समाजवादी देशभक्त मोर्चाका विषयमा विप्लव र आहुतिबीच मतभेद

काठमाडौँ । नेत्रविक्रम चन्द विप्लव नेतृत्वको नेकपा र विश्वभक्त दुलाल आहुति नेतृत्वको वैज्ञानिक समाजवादी कम्युनिस्ट पार्टीबीच समाजवादी देशभक्त मोर्चाको विषयलाई लिएर विवाद सिर्जना भएको छ । शनिवार नेकपाका प्रवक्ता प्रकाण्डले एक विज्ञप्ति जारी गरी देशभक्त मोर्चाको विषयलाई लिएर वैज्ञानिक समाजवादी पार्टीले लगाएको आरोपको खण्डन गरेका छन् ।

वैज्ञानिक समाजवादी पार्टीले मोर्चाको विषयलाई लिएर क्रान्तिकारी आवरणमा भ्रान्ति फैलाएको आरोप जारी विज्ञप्तिमा उल्लेख छ । प्रवक्ता प्रकाण्डले यो बेला समाजवादी देशभक्त मोर्चाको औचित्यमाथि प्रश्न खडा गर्ने नभई यसलाई व्यापक र विस्तार गर्नुपर्नेमा जोड दिएका छन् ।