राजनका लागि डा. शिशिर भगवान सरह

लमजुङ । प्रदेश अस्पताल लमजुङका प्रमुख मे.सु. डा शिशिर देवकोटाले लमजुङका ३७ वर्षीय राजन नेपालीलाई अकाल मृत्यु हुनबाट बचाएका छन् । लमजुङको बेसीशहर नगरपालिका– १ को उदीपुर गाउँका राजन सामान्य किसान परिवारका व्यक्ति रहेछन् ।

पेटको आन्द्रा फुटेको कारण उपचार खर्चको अभावमा उनी कालको मुखमा पुगिसकेका थिए तर डा. शिशिरले उनलाई बचाएका छन् । त्यो पनि दुरविनको सहायताबाट गरिने दुर्लभ शिल्यक्रिया गरेर । यतिबेला राजनले पुनर्जीवन पाएर प्रदेश अस्पतालबाट शुक्रबार डिस्चार्ज भएका छन् ।