भारत र कुवेत साफ च्याम्पियनसिपको फाइनलमा भिड्ने, बंगलादेश र लेबनान सेमिफाइनलबाट बाहिरिए

काठमाडौँ: जारी संस्करणको साफ च्याम्पियनसिपको फाइनलमा भारत र कुवेत भिड्ने भएका छन्। शनिवार सम्पन्न साफ च्याम्पियनसीपको सेमिफाइनल खेलहरुमा कुवेतले बंगलादेशलाई र भारतले लेबनानलाई हराउँदै फाइनलमा स्थान पक्का गरेका हुन्।

भारतको बेङ्ग्लुरुस्थित श्री कान्तिराव स्टेडियममा सम्पन्न खेलमा कुवेतले बंगलादेशलाई १-० गोलअन्तरले हरायो। निर्धारित ९० मिनेटको समयमा खेल गोलरहित बराबरीमा रोकिएपछि खेल अतिरिक्त समयमा पुगेको थियो। जसमा कुवेतका अब्दुल्लाह अल बुलोउसीले १०५ औँ मिनेटमा निर्णायक गोल गरे।