लामो समयपछि सुन्ने गीत ल्याएको रामकृष्णको कथन

काठमाडौं । गायक रामकृष्ण ढकालले आफ्नो स्वरमा नयाँ गीत ‘नदी…’को भिडियो बजारमा ल्याएका छन् । यो गीतको भिडियो काठमाडौंमा एक समारोहबीच सार्वजनिक गरिएको छ । यो गीतलाई कार्यक्रममा गीतकार आनन्द अधिकारी, संगीतकार न्युह बज्राचार्य, पूर्व प्रधान सेनापति प्रज्ज्वल शमशेर जंगबहादुर राणा, सैनिक श्रीमती संघकी अध्यक्ष सुनिता शर्मालगायतले संयुक्त विमोचन गरे ।

विमोचित गीतमा सिन्धु राणाको शब्द, हरि लम्सालको संगीत रहेको छ । गीत देवेन्द्र नेवाले एरेन्ज गरेका हुन् । सागर ज्ञवालीको निर्देशनमा तयार गीतको भिडियोमा गायक रामकृष्ण स्वयंले पुनम भुषालसँग अभिनय गरेका छन् । जसमा नारायण जिसीको छायांकन, अमृत चापागाईँको सम्पादन छ । भिडियोलाई गायक रामकृष्ण ढकालकै अफिसियल युट्युब च्यानलबाट सार्वजनिक गरिएको छ ।