तीन पाइलटलाई बन्दी बनाएको इरानी दाबी कतारले गर्‍यो अस्वीकार

दोहा । आफ्ना तीन जना पाइलटलाई कतारले महिनौँदेखि हिरासतमा राखेको भन्ने इरानी सैन्य अधिकारीको दाबीलाई अस्वीकार गरेको छ । इरानले अमेरिकासँगको युद्धको सुरुवाती चरणमा कतारले पक्राउ गरेको दाबी गरिएका तीन जना इरानी पाइलटलाई रिहा गर्न माग गरेको समयमा कतारले यस्तो प्रतिक्रिया दिएको हो ।

अन्तर्राष्ट्रिय रेडक्रस समितिका प्रमुख मिर्जाना स्पोल्यारिकलाई पठाएको पत्रमा इरानी सशस्त्र बलका ब्रिगेडियर जनरल मोहम्मद बाघेरजादेहले जवाद सालेही, अब्दुल माजिद दश्तियान र इमरान बेहरोसियनलाई कतारले ६ महिनादेखि नियन्त्रणमा राखेको दाबी गरेका छन् ।