धादिङका १३ स्थानीय तहलाई झन्डै ५ अर्ब बजेट, बेनीघाट रोराङले सबैभन्दा बढी प्राप्त गर्ने

धादिङ । संघीय सरकारले आर्थिक वर्ष २०८३/८४ का लागि धादिङ जिल्लाका १३ वटै स्थानीय तहका लागि कुल ४ अर्ब ९७ करोड ३७ लाख रुपैयाँ बजेट विनियोजन गरेको छ। दुई नगरपालिका र ११ गाउँपालिका रहेको जिल्लामा स्थानीय पूर्वाधार, सेवा प्रवाह र विकास कार्यक्रम सञ्चालनका लागि उक्त बजेट छुट्याइएको हो।

विनियोजित बजेटअनुसार जिल्लामध्ये बेनीघाट रोराङ गाउँपालिका ले सबैभन्दा बढी ४८ करोड ८१ लाख रुपैयाँ प्राप्त गरेको छ। भौगोलिक क्षेत्रफल, जनसंख्या तथा विकास आवश्यकतालाई आधार बनाएर बजेट विनियोजन गरिएको जनाइएको छ।