च्याम्पियन्स लिगः न्युक्यासलको शानदार जित, एथ्लेटिको म्याड्रिड् बराबरीमा रोकियो

काठमाडौँ । च्याम्पियन्स लिगअन्तर्गत प्लेअफका खेलहरूमा रोमाञ्चक परिणामहरू देखिएका छन् । हिजो (मंगलबार) सम्पन्न खेलमा न्युक्यासल युनाइटेडले काराबाग एफकेमाथि ६–१ को फराकिलो जित दर्ता गर्‍यो भने आज (बुधबार) क्लब ब्रुग र एथ्लेटिको म्याड्रिडले ३–३ गोलको बराबरी खेलेका छन् ।

काराबाग एफकेको मैदानमा न्युक्यासलले प्रभावशाली जित हात पार्यो । एन्थोनी गोर्डनले चार गोल गर्दै ह्याट्रिक सहित टोलीलाई ठुलो अग्रता दिलाए । मलिक थिआवले र ज्याकब मर्फीले एक–एक गोल थपे। काराबाग एफकेका लागि एल्भिन काफारगुलियेभले ५४औँ मिनेटमा सान्त्वना गोल फर्काएका थिए । जितसँगै न्युक्यासलले दोस्रो लेगका लागि बलियो आधार बनाएको छ ।