मुख्य सामग्रीमा जानुहोस्

समाचार

खेलकुद

नेपाल र पपुवा न्युगिनी प्रतिस्पर्धा गर्दै: तयारी लिग २ को

pahilopost.com · Tue Sep 07 00:54:36 GMT 2021

काठमाडौं: क्रिकेट विश्वकप लिग २ (सीडब्लुसी) अन्तर्गत नेपाल, अमेरिका र ओमनबीचको त्रिदेशीय सिरिजको तयारीमा रहेको नेपालले पपुवा न्युगिनीसँग दुई खेलको एकदिवसीय सिरिज खेल्दैछ। जसअन्तर्गत पहिलो खेल आज ओमनस्थित अलअमेरत स्टेडियममा आज दिउँसो सवा ११ बजेबाट खेल सुरु हुनेछ। नेपालले सन् २०२० को फेब्रुअरीमा खेलेयता पहिलो पटक एकदिवसीय क्रिकेट खेल्न गइरहेको हो।

ओमन जानुअघि टीयु क्रिकेट मैदानमा प्रशिक्षक डेभ ह्वाटमोर र कप्तान ज्ञानेन्द्र मल्लले वर्षाले अभ्यास प्रभावित पारेको भए पनि राम्रै तयारी भएको बताएका थिए। ओमन पुगेर पनि नेपाली टोलीले लामै अभ्यासको अवसर पाएको थियो। पपुवा न्युगिनीसँग दुई खेल खेलेपछि नेपालले त्रिदेशीय सिरिजमा अमेरिका र घरेलु टोली ओमनसँग प्रतिस्पर्धा गर्नेछ। पपुवा न्युगिनीसँग नेपालले अर्को खेल शुक्रवार खेल्नेछ।

स्रोतमा पूरा पढ्नुहोस् (pahilopost.com)