ललितपुर क्षेत्र नम्बर–१: आठौंपटकका कांग्रेस उम्मेदवारविरुद्ध पाँचौं जितको दौडमा एमाले

ललितपुर । प्र तिनिधिसभा सदस्य निर्वाचनमा ललितपुर क्षेत्र नम्बर–१ मा नेपाली कांग्रेसका सहमहामन्त्री उदयशमशेर राणा र एमाले उम्मेदवार चेतनाथ सन्जेलबीच मुख्य प्रतिस्पर्धा हुने देखिएको छ । राणा परिवारबाट आठौं पटक उम्मेदवार भएका उदयशमशेर राणासँग २०४६ सालको परिवर्तनपछि ४ पटक चुनाव जितेर पाँचौं जितको लागि एमालेले सञ्जेललाई उम्मेदवार बनाएको हो ।

१६ राजनीतिक दल र १२ स्वतन्त्र उम्मेदवार चुनावी मैदानमा रहेको ललितपुर १ मा राष्ट्रिय स्वतन्त्र पार्टी (रास्वपा) का जिल्ला सभापति बुद्धरत्न महर्जन, नेपाली कम्युनिस्ट पार्टी (नेकपा)का सुनिल महर्जन, राष्ट्रिय प्रजातन्त्र पार्टी (राप्रपा)की सजिना कार्की, नेकपा माओवादीका विपिन घिमिरेलगायत उम्मेदवारहरू प्रतिस्पर्धामा छन् ।