कोशीमा घरेलु तथा साना उद्योग दर्ता निरन्तर घट्दो

विराटनगर । कोभिडको समयमा अत्यधिक दर्ता भएका साना तथा घरेलु उद्योग पछिल्लो समय भने घट्दो क्रममा रहेको पाइएको छ । कोशी प्रदेश उद्योग, कृषि तथा सहकारी मन्त्रालयले दिएको तथ्याङ्क अनुसार विगत चार आर्थिक वर्षको तुलनामा गत आर्थिक वर्षमा उद्योग दर्ता कम देखिएको हो ।

विगत पाँच वर्षको तथ्याङ्क हेर्दा आर्थिक वर्ष २०७५/०७६ मा ६ हजार ९४३ वटा उद्योग दर्ता भएका थिए । आर्थिक वर्ष २०७६/०७७ मा भने उद्योग दर्ताको संख्या ६ हजार ५६१ वटा छ । कोरोनाकालमा उद्योग दर्ता अत्याधिक बढ्यो । आर्थिक वर्ष ०७७÷०७८ मा अघिल्लो आर्थिक वर्षको तुलनामा दोब्बर बढी घरेलु तथा साना उद्योग दर्ता भए । त्यस वर्ष १४ हजार ५२७ वटा उद्योग दर्ता भएको तथ्याङ्क छ ।