कांग्रेस कोशीमा किचलोदेखि गण्डकीमा मन्त्रालय फुटाउने निर्णयसम्म

‘लोकान्तर राउण्ड अप’मा पाठकवृन्दलाई स्वागत छ । सधैँझैँ आज पनि हामी बितेको २४ घण्टाका मुख्यमुख्य घटनाक्रमसहित उपस्थित भएका छौँ–

कोशीमा प्रदेशमा सरकारको नेतृत्व गरिरहेको नेपाली कांग्रेसमा विवाद देखिएको छ । इलाम–२ मा हुन गइरहेको उपनिर्वाचनमा केन्द्रबाट नेताहरू आएर एकताको संकेत गरिरहँदा सरकारको विषयलाई लिएर दुई पक्षबीच दोहोरी चल्न थालेको हो । विशेषगरी संस्थापन सभापति शेरबहादुर देउवा (संस्थापन) र डा शेखर कोइराला (इतर) पक्षका नेताबीच विवाद भइरहेको छ ।