गौरीगञ्जका दुवै प्रमुख पदमा महिला, कांग्रेसबाट अध्यक्षमा राजवंशी र एमालेबाट उपाध्यक्षमा न्यौपाने

झापा : गौरीगञ्ज गाउँपालिकाको प्रमुख पदमा दुवै जना महिला निर्वाचित भएका छन्। गाउँपालिकाको अध्यक्षमा नेपाली कांग्रेसकी फूलवती राजवंशी र उपाध्यक्षमा नेकपा एमालेकी पूजन न्यौपाने कुँवर निर्वाचित भएका छन्।

राजवंशीले निकटतम प्रतिस्पर्धी एमालेका विजय कुमार अग्रवाल र निवर्तमान गाउँपालिका अध्यक्ष राप्रपाका बाबुराजा श्रेष्ठलाई पराजित गरेका हुन्। राजवंशीले ५ हजार ६८९ मत ल्याउँदा अग्रवालले ३ हजार ३३० र श्रेष्ठले ३ हजार ३०७ मत ल्याएका छन्।