अभ्यास खेलमा बंगलादेशसँग हार्‍यो श्रीलंका

गुवाहाटी । आईसीसी विश्वकप क्रिकेटको अभ्यास खेलम बंगलादेशले श्रीलंकालाई ७ विकेटले पराजित गरेको छ । श्रीलंकाले प्रस्तुत गरेको २ सय ६४ रनको लक्ष्य बंगलादेशले ४२ औँ ओभरमा मात्र ३ विकेटको क्षतिमा पछ्याएको हो ।

बंगलादेशलाई जीत दिलाउन तानजिद हसनले ८४ रनको शानदारी पाली खेले । उनले यस क्रममा १० चौका र २ छक्का हिर्काए । कप्तान मेहदी हसनले ६७ रन बनाए भने लिट्टन दासले ६१ रनको पाली खेले ।