चिना होराउँदा हेराउँदै सांसदको आयु चट

मंसिर ४ मा हुन लागेको प्रतिनिधिसभा र प्रदेशसभा निर्वाचन मिति कुन ऐन, कानुन र पद्धतिले निर्धारण गरेको हो ? यी प्रश्नका जवाफ पनि छन् । तर, मूलतः निर्वाचन मितिको निर्धारण भने ज्योतिषहरुको परामर्शमा भएको रहेछ । त्यसअघि कार्यकाल निर्धारणको विषयमा पनि माथापच्ची त चलेकै थियो ।

जसरी स्थानीय निर्वाचनअघि कार्यकाल गणनामा एकथरि जनप्रतिनिधिले न्याय र अर्काथरिले अन्याय महसुस गरे, अहिले शुरु भएको प्रतिनिधिसभा तथा प्रदेशसभा निर्वाचनअघि पनि त्यस सभाका मान्यहरु त्यस्तै ठान्दैछन् । यही कारण प्रतिनिधिसभा र प्रदेशसभाको हकमा के गर्ने भन्ने प्रसंग चलेपछि कानुनदेखि ज्योतिषसम्मका मामिला उठेका हुन् । संविधानले प्रतिनिधिसभा र प्रदेशसभाको कार्यकाल पाँच वर्ष भनेको छ ।