राष्ट्रपति कार्यालयले तयारी नपुगेको भनेपछि साढे ४ बजेका लागि सर्यो मन्त्रीको शपथ
lokaantar.com
मंगलबार शपथ लिन लागेका दुई मन्त्रीको शपथ सरेको छ ।
यसअघि दिउँसो ३ बजे शपथ गराउने भनिए पनि राष्ट्रपति कार्यालयले तयारी नपुगेको भनेपछि शपथ समारोह साढे ४ बजेका लागि सारिएको छ ।
प्रधानमन्त्री वालेन्द्र शाहले सुधन गुरुङलाई पुन: गृहमन्त्रीमा सिफारिस गरेका छन् भने विज्ञान, प्रविधि तथा नवप्रवर्तनमन्त्री महावीर पुनलाई सिफारिस गरेका छन् ।
गुरुङ गृहमन्त्री रहेकै बेला सम्पत्ति सम्बन्धी विवादमा तानिएपछि पदमुक्त भएका थिए ।
त्यसपछि सरकारले छानबिन समिति बनाएको थियो । उक्त समितिले गुरुङलाई ‘क्लिनचिट’ दिएपछि प्रधानमन्त्री शाहले पुन: गृहमन्त्रीको जिम्मेवारी दिन लागेका हुन् ।
यता म्याग्दीबाट स्वतन्त्र निर्वाचित सांसद महावीर पुन भने यसअघि सुशीला कार्की नेतृत्वको सरकारमा शिक्षामन्त्री थिए ।
उनले पटक पटक विज्ञान, प्रविधि तथा नवप्रवर्तन सम्बन्धी छुट्टै मन्त्रालय बनाउन माग गरेका थिए । अन्ततः उनैले उक्त मन्त्रालयको जिम्मेवारी पाउन लागेका हुन् ।
स्रोतमा पूरा पढ्नुहोस् (lokaantar.com)
बालेन शाह