बाढीपहिरो प्रभावितको पुनः स्थापनालाई प्राथमिकतामा राख्छौँः मन्त्री घिसिङ

इलाम । सहरी विकास, ऊर्जा, जलस्रोत तथा सिँचाइ र भौतिक पूर्वाधार तथा यातायातमन्त्री कुलमान घिसिङले बाढीपहिरो प्रभावित क्षेत्रको पुनः स्थापनालाई तत्काल प्राथमिकतामा राखेर काम अघि बढाउन सरकार प्रतिबद्ध रहेको बताएका छन् ।

जिल्ला प्रशासन कार्यालय इलाममा शनिबार जिल्ला विपद् व्यवस्थापन समितिद्वारा आयोजित अन्तरक्रियामा उनले इलामलाई ‘सङ्कटग्रस्त क्षेत्र’ घोषणा गरिएकाले पुनः स्थापनाको कामलाई पहिलो प्राथमिकतामा राखिने स्पष्ट पारे ।