प्रचण्डको कमजोर एक वर्ष

सरकारका हरेक सूचकांकको नकारात्मक ब्यारोमिटर उत्कर्षमा पुगेको छ।

सुशासन, समृद्धि र न्यायको नारा दिएर पुष्पकमल दाहाल ‘प्रचण्ड’ तेस्रो पटक प्रधानमन्त्री बनेको एक वर्ष पूरा भएको छ। उनले विगतका गल्ती, कमजोरीबाट पाठ सिक्दै जनताको हित र सामाजिक रूपान्तरणमा केन्द्रित हुने उद्घोष गरे पनि सम्पूर्ण ध्यान भने आत्मकेन्द्रित देखिन्छ। त्यतिमात्रै होइन, प्रचण्डमा राजनीतिक इमानदारीसमेत देखिएन। उनी सुरुमा एमाले, रास्वपा, राप्रपा, जसपा, जनमत र नागरिक उन्मुक्ति पार्टीको समर्थनमा प्रधानमन्त्री बने पनि राष्ट्रपति निर्वाचनसम्म नपुग्दै कांग्रेससँगको सहकार्यमा फर्किए।