१४ वटा बैंकिङ कसुर मुद्दामा फरार व्यक्ति पक्राउ

काठमाडौँ। १४ वटा बैंकिङ कसुर मुद्दामा अदालतबाट दोषी भई फरार रहेका व्यक्ति पक्राउ परेका छन्। पक्राउ पर्नेमा काठमाडौँ बुढानिलकण्ठ नगरपालिका-५ का ४७ वर्षीय राजु मिजार रहेका छन्।

मिजारलाई काठमाडौँ महानगरपालिका-४ धुम्बाराहीबाट सोमबार पक्राउ गरिएको केन्द्रीय अनुसन्धान ब्युरोले जनाएको छ। ब्युरोका अनुसार मिजारविरूद्ध १४ वटा बैंकिङ कसुरका मुद्दामा अदालतले दोषी ठहर गरेको थियो।