तनहुँमा अविरल वर्षाले भत्कियो घर

तनहुँको भिमाद नगरपालिका-३ सुनाकोटमा अविरल वर्षाका कारण एक स्थानीयको तीनतले कच्ची घर भत्किएर पूर्ण रूपमा क्षतिग्रस्त भएको छ। घटनामा कुनै मानवीय तथा चौपाया क्षति भने भएको छैन।

शनिबार राति करिब ९:०० बजे सुनाकोट निवासी ४६ वर्षीय विष्णु कुमार श्रेष्ठको ढुङ्गा-माटोले बनेको र ढुङ्गाले नै छाएको तीनतले घरको पछाडिपट्टिको गाह्रो वर्षाका कारण भत्किएको हो।