अनलाइन जुवा, क्रिप्टो र अश्लिल सामग्रीका वेबसाइट र एप बन्द गर्न प्राधिकरणको निर्देशन

काठमाडौं- नेपाल दूरसञ्चार प्राधिकरणले नेपालमा कानूनले निषेध गरेका अनलाइन जुवा, क्रिप्टोकरेन्सी तथा अश्लिल सामग्री सञ्चालन हुने वेबसाइट र एपहरूमा पहुँच रोक लगाउन निर्देशन दिएको छ । प्राधिकरणले साउन ३० गते एक सूचना जारी गर्दै सबै मोबाइल तथा इन्टरनेट सेवा प्रदायक कम्पनीहरूलाई यस्तो निर्देशन दिएको हो ।

नेपालको प्रचलित कानूनले अनलाइन प्रविधिमार्फत सञ्चालन हुने जुवा, क्रिप्टोकरेन्सी, बिटक्वाइन र हाइपर नेटवर्किङ्गलाई बन्देज लगाएको छ । यी लगायत आर्थिक अपराधसँग सम्बन्धित वेबसाइट तथा एपहरू नेपालभित्र सञ्चालन हुन नसक्ने र त्यसमा पहुँच पुग्न नसक्ने गरी व्यवस्था मिलाउन प्राधिकरणले सेवा प्रदायकहरूलाई आदेश दिएको छ ।