ला लिगा: फराकिलो जितमा बार्सिलोनाका लागि लामिनसहित पाँच खेलाडीले गरे गोल

काठमाडाैँ – स्पेनिस ला लिगाअन्तर्गत शनिबार राति भएको रोमाञ्चक खेलमा शीर्ष स्थानको बार्सिलोनाले रियल बेटिसलाई ५–२ को फराकिलो अन्तरले पराजित गरेको छ।

सात गोल भएको उक्त सनसनीपूर्ण प्रतिस्पर्धामा ५३औँ मिनेटपछि १० खेलाडीमा सीमित भएको बेटिसलाई हराउँदै बार्सिलोनाले अंकतालिकाको शीर्ष स्थानमा ५ अंकको अग्रता कायम राखेको छ।