बुध्द एयरले नेपाली सेनालाई दियो एटीआर विमानको फ्युजलेज, सेनाको तालिम लागि उपयोगी

काठमाडौं। बुध्द एयरले उडान सेवाबाट अवकाश प्राप्त एटीआर-७२ विमानको मुख्य भाग (फ्युजलेज) नेपाली सेनालाई हस्तान्तरण गरेको छ। त्रिभुवन अन्तर्राष्ट्रिय विमानस्थलस्थित बुद्ध एयरको ह्यांगरमा आयोजित एक विशेष समारोहका बीच यो हस्तान्तरण गरिएको हो।

बुध्द एयरका कार्यकारी अध्यक्ष वीरेन्द्र बहादुर बस्नेतले नेपाली सेनाका युद्धकार्य प्रमुख उपरथी अनुप जंग थापालाई उक्त फ्युजलेज हस्तान्तरण गरे । ७० हजार उडान चक्र (साईकल) पूरा गरेपछि बुध्द एयरले यो विमानलाई केही महिना अघि मात्रै उडानबाट अवकाश दिएको थियो।