मर्स्याङ्दीका आधा पसल दर्ता र नवीकरण बिना सञ्चालनमा

लमजुङ । लमजुङको उत्तरी क्षेत्रमा रहेको मर्स्याङ्दी गाउँपालिकामा सञ्चालनमा रहेका उपभोक्ता पसलहरूको अनुगमन गरिएको छ । २५ पसलमा अनुगमन गरिएकामध्ये आधा पसल दर्ता र नवीकरण बिना सञ्चालनमा रहेको पाइएको छ ।

मर्स्याङ्दी गाउँपालिकाको मुख्य बजार क्षेत्र रहेको वडा नं–३ को खुदी बजार क्षेत्रमा सञ्चालनमा रहेका फेन्सी, किराना, खाजा पसल, ग्यारेजलगायतका २५ पसलको गाउँपालिकाद्वारा अनुगमन गरिएको हो । अनुगमन कार्यको नेतृत्व गाउँपालिकाका अध्यक्ष अर्जुन गुरुङ आफैले गरेका थिए ।