सुदूरपश्चिमका कारागारबाट भागेका ९७७ जना पक्राउ, करिब ५ सय अझै फरार

धनगढी । गत भदौमा जेनजी आन्दोलनका क्रममा सुदूरपश्चिमका कारागारबाट भागेका करिब हजार कैदीबन्दी पक्राउ परेका छन् । २४ भदौको जेनजी प्रदर्शनका क्रममा भागेका ९ सय ७७ जना कैदीबन्दीलाई पक्राउ गरिएको सुदूरपश्चिम प्रदेश प्रहरी कार्यालय धनगढीले जनाएको छ ।

प्रदेश प्रहरी कार्यालयका प्रहरी कार्यालयले कैलालीसहितका विभिन्न कारागारबाट भागेका ९ सय ४१ र बाल सुधार गृह डोटीबाट भागेका ३६ गरेर ९ सय ७७ जना कैदीबन्दीलाई पक्राउ गरेको जनाएको छ । सुदूरपश्चिमका ९ जिल्ला कारागार शाखा र एक बाल सुधार गृहबाट नभागेका २ सय ९६ जनासमेत गरेर अहिले १ हजार २ सय ७२ जना कैदीबन्दी कारागारमा राखिएका छन् ।