नेपाल बैङ्क लिमिटेडको ८९ औँ वार्षिकोत्सव सम्पन्न

काठमाडौँ । नेपाल बैङ्क लिमिटेडले आफ्नो ८९ औँ वार्षिकोत्सव आइतबार भव्य रूपमा मनाएको छ। वि।सं। १९९४ साल कार्तिक ३० गते स्थापना भएको बैङ्कले ८८ वर्ष पूरा गरी ८९औँ वर्षमा प्रवेश गरेको अवसरमा बैङ्कको प्रधान कार्यालय प्राङ्गणमा एक कार्यक्रमको आयोजना गरी वार्षिकोत्सव सम्पन्न गरेको हो।

देशभरका २३१ शाखा, २३७ एटिएम र ६१ एक्सटेन्सन काउन्टरमार्फत करिब २७ लाख ग्राहकलाई सेवा दिइरहेको बैङ्कले हाल डिजिटल प्रविधिमार्फत करिब १० लाख ग्राहकलाई सहज बैङ्किङ सुविधा उपलब्ध गराइरहेको छ। पछिल्ला वर्षहरूमा बैङ्कले छिटो, छरितो र गुणस्तरीय सेवामा जोड दिँदै युवा जनशक्तिमार्फत आधुनिक बैङ्किङलाई थप प्रभावकारी बनाइरहेको बैङ्कले जनाएको छ।