'ठूलाबडाले दशैँ मानून्, हाम्रो त हेरेरै जाला' : चाडबाडको रौनकबीच होल्डिङ सेन्टरका सुकुम्बासीको पीडा

"पहिलेपहिले त दशैँ राम्रैसँग मनाउँथ्यौँ। आफन्तहरू जम्मा हुन्थ्यौँ। केटाकेटी, भाञ्जाभाञ्जी सबैको जमघट हुन्थ्यो। तर यसपालि त घरै छैन…," भक्तपुरको खरिपाटीस्थित सुकुम्बासीहरूलाई राखिएको होल्डिङ सेन्टरमा बस्दै आएका ७० वर्षीय पवन गुरुङ बोल्दाबोल्दै अड्किए।

काठमाण्डू उपत्यकाका नदीकिनारबाट हटाइएका सुकुम्बासी परिवारमध्ये कतिपय अझै पनि विभिन्न होल्डिङ सेन्टरहरूमा छन्। गुरुङको परिवार तिनैमध्येको हो। उनीहरू भक्तपुरस्थित खरिपाटी होल्डिङ सेन्टरमा बस्छन्।