आँखामा समेत पर्न सकेको छैन आयोगको मेयर नै आचारसंहिता उल्लंघन गर्दै, कारबाही गरेर देखाउन चुनौती

स्थानीय तह निर्वाचन आउन अब १० दिन मात्रै बाँकी छ । निर्वाचनलाई व्यवस्थित बनाउन निर्वाचन आयोगले भरपर्दो व्यवस्था गरेको जनाए पनि आचारसंहिता उल्लंघनको घटना बढ्न थालेका छन । त्यति मात्र हैन खुल्ला रुपमा आचारसंहिता उल्लंघनका घटना भैरहेका छन् । केही घटनामा निर्वाचन आयोगले स्पष्टीकरण सोधे पनि धेरै घटना निर्वाचन आयोगको आँखामा समेत पर्न सकेको छैन ।

रुपन्देहीको तिलोत्तमा नगरपालिकाका मेयर बासुदेव घिमिरेले आचारसंहिता उल्लंघनमा आफूलाई कारबाही गरेर देखाउन निर्वाचन आयोगलाई चुनौती दिनुभयो । पदमा बहाल रहेकै अवस्थामा निर्वाचन आचारसंहिता विपरीत एमालेको चुनाव प्रचारमा सक्रिय रहेका मेयर घिमिरेले आचारसंहिता उल्लंघनमा आफूलाई कारबाही गरेर देखाउन चुनौती दिनुभयो ।