कंगना रनौतले भनिन् : विश्वमा तेस्रो विश्वयुद्धजस्तै अवस्था सिर्जना भयो

भारतीय जनता पार्टी (भाजपा) की सांसद तथा अभिनेत्री कंगना रनौतले विश्वमा तेस्रो विश्वयुद्धजस्तै अवस्था सिर्जना भएको बताएकी छन्। यस्तो परिस्थितिमा भारतलाई प्रधानमन्त्री नरेन्द्र मोदीको सशक्त नेतृत्वको अझ बढी आवश्यकता रहेको उनको भनाइ छ।

शुक्रबार सञ्चारमाध्यमसँग कुराकानी गर्ने क्रममा वरिष्ठ अधिवक्ता प्रशान्त भूषणको ‘सत्ता परिवर्तन’ सम्बन्धी भाइरल अभिव्यक्तिबारे प्रतिक्रिया मागिएपछि रनौतले यस्तो बताएकी हुन्। उनले यस्ता अभिव्यक्तिले देशलाई बलियो नेतृत्वको महत्त्व बारम्बार सम्झाउने गरेको बताइन्।