नियमित सरसफाइ, फोहोर व्यवस्थापन र जनसहभागिताले धनगढी सफा र व्यवस्थित बन्दै

धनगढी । नियमित सरसफाइ, प्रभावकारी फोहोर व्यवस्थापन र स्थानीयवासीको सक्रिय सहभागिताका कारण धनगढी उपमहानगरपालिका पछिल्ला वर्षहरूमा थप सफा, व्यवस्थित र आकर्षक बन्दै गएको छ ।

२०७९ सालको स्थानीय तह निर्वाचनपछि स्वतन्त्र उम्मेदवार गोपाल हमाल नगर प्रमुखमा निर्वाचित भएपछि ‘हाम्रो धनगढी, सफा धनगढी’ अभियानलाई प्राथमिकताका साथ अघि बढाइएको थियो । अभियानअन्तर्गत प्रत्येक टोल र समुदायमा सरसफाइ समिति गठन गरी नियमित रूपमा सरसफाइ कार्यक्रम सञ्चालन हुँदै आएको छ ।