चीनले बनाएको चक्रपथमा कुनै समस्या छैन, तर नेपालले बनाएको कलंकी बल्खु सडकको दुर्गति कसरी ?

काठमाडौं: ‘कलंकी-बल्खु नवनिर्मित रिङरोडको सर्भिस ट्रयाक धमाधम भत्काईंदैछ। यो सडक गज्जब राम्रो थियो जहाँ म दिनदिनै हिँड्ने गर्छु। किन भत्काउन थालियो केही जानकारी छैन। काठमाडौंका अन्य सडकको हालत खराब छ, ती सडक बनाएको भए हुने! तर यहाँ रिङरोड परियोजनाअन्तर्गत बनेको गज्जब सडक भत्काईंदै पो छ,’ चौधरी ग्रुपका महाप्रबन्धक मधुसुदन पौडेलले फेसबुकमा लेखेका छन्।

उनी मात्रै होइन त्यो सडक खण्डको सर्भिस ट्रयाक भत्काइएकोमा धेरै अचम्ममा परेका छन्। राम्रै सडक त्यो पनि केही वर्ष अघि अर्बौं लगानी खर्चिएर बनाएको सडक किन भत्कारहेको छ त ?