‘छ माया छपक्कै २’ लाई दर्शकको साथ, दोस्रो दिनदेखि शो थपिँदै

काठमाडौं– बडादशैँको अवसर पारेर प्रदर्शनमा आएको नषँ नेपाली फिल्म ‘छ माया छपक्कै २’ ले सिनेमा हलमा दर्शकको उत्साहजनक साथ पाउन थालेको छ । फिल्मका निर्माता तथा कलाकार दीपकराज गिरीले प्रदर्शनको दोस्रो दिन अर्थात आज आइतवारदेखि शोहरू हाउसफुल हुन थालेको र हलमा शो थपिने क्रम जारी रहेको बताएका छन् । निर्माण टिमले सामाजिक सञ्जालमार्फत सार्वजनिक गरेका जानकारी तथा कलाकार र समीक्षकका प्रतिक्रियाले फिल्मप्रति दर्शकको चासो बढ्दै गएको देखाउँछन् ।

दीपकराजले दर्शकलाई फिल्म हेर्दा आफ्नो अघिल्लो सफल फिल्म ‘छक्का पञ्जा’ सँग तुलना नगरी नयाँ कथाका रूपमा हेर्न आग्रह गरेका छन् । ‘दिमागमा छक्का पञ्जा नराखी आउनुहोस्, शोहरू हाउसफुल हुँदैछन्, शोहरू थपिँदैछन् । दर्शक खुशी हुनु हुनेछ,’ उनले मिडियासँग भनेका छन् ।