सुमो दुर्घटना : मृत्यु हुनेमध्ये एक जनाको पहिचान खुल्यो

काठमाडौंबाट खोटाङ आउँदै गरेको सुमो दुर्घटनामा परी मृत्यु हुनेमध्ये एक जनाको पहिचान खुलेको छ । को १ ज २९७६ नम्बरको सुमो सिन्धुलीको फिक्कल गाउँपालिका–६, नागथानस्थित मध्यपहाडी लोकमार्गबाट सुनकोसीमा खस्दा दिक्तेल रूपाकोट मझुवागढी नगरपालिका–५, लफ्याङकी २१ वर्षीया युपना राईको मृत्यु भएको हो । अन्यको पहिचान खुलेको छैन ।

गएराति २ः३० बजे नागथानस्थित मध्यपहाडी लोकमार्गबाट करिब एक सय ५० मिटर तल सुमो खसेको थियो । बेपत्ताको नामठेगानासमेत नखुलेको जिल्ला प्रहरी कार्यालय खोटाङका प्रहरी नायब उपरीक्षक प्रकाश बुढाथोकीले बताए ।