व्यक्तिगत लगानीमा बनाइएको शिद्वेश्वर धाम वनलाई हस्तान्तरण

चितवन । भरतपुर महानगरपालिका–२ आँपटारीमा शिद्वेश्वर धाम निर्माण गरिएको छ । स्थानीय समाजसेवी केशवराज कँडेलले व्यक्तिगत लगानीमा धाम निर्माण गरेका हुन् ।

उनले २०७३ मा जलदेवी सामुदायिक वन क्षेत्रको पाँच कट्ठा क्षेत्रफलमा भगवान्को प्रतिमासहित धाम निर्माण गरेका हुन् । भरतपुर महानगरपालिका–२ निवासी कँडेलले धाम निर्माण गरी शनिबार सामुदायिक वनलाई स्वामित्व हस्तान्तरण गर्नुभएको छ ।