नेपाललाई २ करोड डलर दिने प्रस्तावमा कोषको विशेष बैठक कात्तिक ५ गते, पैसा कहिले आउँछ?

भोटेकोशी–त्रिशूली बाढीबाट प्रभावित नेपालका लागि २ करोड अमेरिकी डलर आर्थिक सहायता छुट्याउने प्रस्तावमाथि छलफल गर्न राष्ट्रसंघको 'लस एन्ड ड्यामेज' कोषको विशेष बैठक आगामी अक्टोबर २२ (कात्तिक ५) मा बस्ने भएको छ।

संयुक्त राष्ट्रसंघीय जलवायु प्रक्रियाअन्तर्गत स्थापित 'फन्ड फर रेस्पोन्डिङ टु लस एन्ड ड्यामेज' (एफआरएलडी) को यो पहिलो असाधारण बोर्ड बैठक हो। यो बैठक भर्चुअल (अनलाइन) रूपमा बस्नेछ।