मुख्य सामग्रीमा जानुहोस्

समाचार

Diaspora

युवा फसाउने पासो

annapurnapost.com · Fri Jul 08 00:57:00 GMT 2022

बेरोजगार नेपाली युवालाई विदेश लैजाने र ठगी गर्ने एउटा बहाना भिजिट भिसा हो। घुमफिरको बहानामा भिजिट भिसा लगाएर लैजाने अनि काममा लगाइदिन्छु भन्ने र ठग्ने प्रवृत्तिको सिकार गोरखाको भीमसेन थापा गाउँपालिकाका युवा पनि भए। कोभिडको बेला देशमै रोजगारी गुमेको वा पाउन मुस्किल भएको समय थियो। त्यस्तो घडीमा जसले जहाँ लगेर काम लगाइदिन्छु भने पनि पत्याउन बाध्य र विवश थिए युवा। ठगहरूलाई बहाना मिलिहाल्यो। २०७७ माघमा गोरखाका ३० युवालाई गाउँकै व्यक्तिले दुबई र साउदी अरब पुर्‍याए। त्यहाँ पुगे पनि न वर्क परमिट पाए न त वर्क भयो। त्यसमाथि झन् नेपाल फिर्ता आउन पनि अझै पाएका छैनन्। तिनका दुःख त्यो बिरानो देशमा कसले सुनिदिने ? परिवारसँग सम्पर्कमा आउन पाएका छैनन्।

आखिर खोजीनीति घरपरिवारबाटै गर्नुपर्‍यो। जसै सुरक्षित आप्रवासन परियोजना (सामी) मा उजुरी पर्‍यो अनि खुलासा भयो कि भिजिट भिसामा दुबई र साउदी अरब पुर्‍याइएका युवा ठगिए। अझै कोठामा थुनिएर उकुसमुकुस बसिरहेका छन्। परिवारलाई थाहा भएको यत्ति हो। अब उद्धार कसरी गर्ने भन्ने व्यथाले परिवार पिरोलिएका छन्। सामीका अधिकारीहरूका अनुसार भने यसरी भिजिट भिसामा गएर थुनिने, ठगिनेको संख्या त्यतिमात्रै पक्कै छैन। बिदेसिनु र जसरी पनि बिदेसिनुमा युवाको रहरभन्दा धेरै बाध्यता छ। मुलुकमा रोजगारी र स्वरोजगारीको कुनै वातावरण नभएपछि जसै युवा विदेश जान भनेर लोभिन्छन्।

स्रोतमा पूरा पढ्नुहोस् (annapurnapost.com)