इन्डोनेसियामा भवन भत्किँदा तीन जनाको मृत्यु, दर्जनौँ घाइते

जाकार्ता। इन्डोनेसियाको जाभा टापुस्थित पश्चिम जाभाको बोगोर जिल्लामा आइतबार एक सामुदायिक भवन भत्किँदा कम्तीमा ३ जनाको मृत्यु भएको छ भने दर्जनौँ घाइते भएका छन् । घटनाबारे स्थानीय विपद् व्यवस्थापन अधिकारी मोहमद आदम हमदानीले जानकारी दिएका हुन् ।

उक्त भवनमा करिब सय जना मानिस, मुख्यतः महिला, पैगम्बर मोहम्मदको जन्मजयन्ती मनाउने क्रममा कुरान पाठका लागि भेला भएका थिए । सोही समयमा भवन अकस्मात् ढलेको बताइएको छ ।