टी–२० विश्वकप क्रिकेटमा इङ्ग्ल्यान्डले वेस्ट इन्डिजलाई हरायो
Ujyaaloonline.com · Sun Oct 24 00:57:17 GMT 2021
काठमाण्डाै - आईसीसी टी–ट्वान्टी विश्वकप क्रिकेटमा इङ्ग्ल्यान्डले साविक विजेता वेस्ट इन्डिजलाई ६ विकेटले पराजित गरेको छ । गएराति यूएईमा भएको खेलमा वेस्ट इन्डिजले दिएको ५६ रनको सामान्य लक्ष्य इङ्ग्ल्यान्डले ८ ओभर २ बलमा ४ विकेट गुमाएर पूरा गर्यो । इङ्ग्ल्यान्डको जितमा जोस बट्लरले अविजित रहँदै २४ रन बनाए ।
कप्तान इयान मोर्गन ७ रनमा अविजित रहे । जासन रोय ११ रनमा आउट हुँदा जोनी बेयर्सटोले ९ रन बनाए । यस अघि टस हारेर पहिले ब्याटिङ गरेको वेस्ट इन्डिजले १४ ओभर २ बलमा अलआउट हुँदै ५५ रन बनाएको थियो । वेस्ट इन्डिजका लागि क्रिस गेलले सर्वाधिक १३ रन जोडे ।
स्रोतमा पूरा पढ्नुहोस् (Ujyaaloonline.com)