ओमाननजिकै अमेरिकी हमलामा परेको ट्याङ्करबाट २४ भारतीय नाविकको उद्धार

ओमाननजिकै समुद्रमा संयुक्त राज्य अमेरिकाले गरेको सैन्य कारबाहीका क्रममा एउटा ट्याङ्करमा आगलागी भएपछि चालकदलका २४ सदस्यको उद्धार गरिएको र उनीहरू सबै जना भारतीय नागरिक भएको भारतीय अधिकारीहरूले बताएका छन्। यो सोमवारको घटना हो।

चालकदलले ट्याङ्करमा आगो फैलिएको र पानीमा डुब्न लागेको भन्दै उद्धारको याचना गर्दै सन्देश पठाएका थियो। उक्त ट्याङ्करमा मालसामान भने थिएन।