केनको कीर्तिमानमा इटालीमाथि इंग्ल्याण्डको जीत

नेपल्स । ह्यारी केन राष्ट्रिय टोलीका लागि सर्वाधिक गोलकर्ता बन्दा १० खेलाडीमा सीमित इंग्ल्याण्डले युरो २०२४ को छनोटमा विजयी सुरुवात गरेको छ । इटालीमा इंग्ल्याण्डले सन् १९६१ पछि पहिलोपटक जीत हासिल गरेको छ ।

४४ औँ मिनेटमा पेनाल्टीबाट गोल गर्दै केनले इतिहासमा आफ्नो नाम दर्ज गरे । उनले यसअघि वेन रुनीको नाममा रहेको ५४ गोलको कीर्तिमानलाई उछिनेका थिए । यसअघि डेक्लन राइसले खेलको सुरुवातमा नै इंग्ल्याण्डलाई अग्रता दिलाएका थिए ।