एभरेस्ट महिला भलिबल लिगको मुख्य प्रायोजकमा रेड बुल

१ कात्तिक, काठमाडौं । एभरेस्ट वुमन्स भलिबल लिग (ईडब्लुभीएल) को आगामी तीन संस्करणका लागि रेड बुल मुख्य प्रायोजक (टाइटल स्पोन्सर) बनेको छ। लिग आयोजकले बुधबार रेड बुलसँगको बहुवर्षीय साझेदारी घोषणा गरेको हो। सम्झौता आगामी संस्करणदेखि लागू हुनेछ।

विश्वप्रसिद्ध इनर्जी ड्रिङ्क ब्रान्ड रेड बुल र नेपालको महिला भलिबल लिगबीचको सहकार्यले महिला खेलकुदको विकास तथा प्रवर्द्धनमा योगदान पुर्‍याउने अपेक्षा गरिएको छ। साझेदारीमार्फत लिगको प्रतिस्पर्धात्मक र व्यावसायिक स्तर उकास्ने, खेलाडीको विकासमा सहयोग गर्ने तथा प्रतियोगिताको पहुँच र लोकप्रियता विस्तार गर्ने लक्ष्य राखिएको छ।