पत्रकार किशोर श्रेष्ठ प्रकरणमा प्रेस काउन्सिल अध्यक्षले भने- प्रहरीको कामकारबाहीको जवाफ काउन्सिलले दिने होइन

काठमाडौं– प्रेस काउन्सिल नेपालका अध्यक्ष उमेश श्रेष्ठले सामाजिक सञ्जालमा व्यक्तिहरूबीच हुने गालीगलौज र व्यक्तिगत अपमानका हरेक घटनामा काउन्सिलले बोल्नुपर्ने बाध्यता नरहेको बताएका छन्।

समाचारको तथ्य, प्रस्तुति र पत्रकार आचारसंहितासम्बन्धी विवाद हेर्नु काउन्सिलको जिम्मेवारी भए पनि फेसबुकमा हुने हरेक व्यक्तिगत झगडा पत्रकारिताको विषय नहुने उनको भनाइ छ।