'असफल विद्राेह'बारे येवगेनीले जारी गरे अडियाे सन्देश, पुटिन निशानामा नरहेकाे दाबी

रुसकाे भाडाका लडाकु समूह वाग्नरका प्रमुख येवगेनी प्रिगोजिनले मस्कोसम्मको मार्च घोषणा गर्दा आफूले रुसी राष्ट्रपति पुटिनलाई निशानामा नपारेकाे बताएका छन् । वाग्नर समूहको विद्राेह समाप्त भएपछि उनको बयान पहिलो पटक आएको हो ।

११ मिनेटको अडियो सन्देश जारी गर्दै उनले मार्चको उद्देश्य वाग्नरलाई बर्बाद हुनबाट बचाउनु र गैरजिम्मेवारपूर्ण कदमहरूले निम्त्याइएका गल्तीहरूकाे जवाफदेहिता निर्धारण गर्नु रहेकाे स्पष्ट पारेका छन् ।