रूपान्तरण अभियानपछि माओवादीमा टिके प्रथा अन्त्य होला ?

काठमाडौँ । लोकतान्त्रिक प्रतिस्पर्धात्मक राजनीतिमा अवतरण गरेको १७ वर्षमा निरन्तर धक्का खाँदै सानो आकारमा खुम्चिएको नेकपा माओवादी केन्द्र फेरि बौरिने विभिन्न उपायको खोजीमा छ । त्यसकै सिलसिलामा गत साउन १७ देखि २१ सम्म राजधानीको कमलादीमा बसेको केन्द्रीय समिति बैठकमा नीति र नेतृत्वमाथि केन्द्रीय सदस्यहरूले खुलेर बहस गरे ।

समूहगत छलफलबाट आएको निष्कर्षलाई टोली नेताले बैठकमा धारणा राख्ने परम्परा तोड्दै अध्यक्ष पुष्पकमल दाहाल ‘प्रचण्ड’ले करिब ५० प्रतिशत सदस्यहरूलाई प्रत्यक्ष रूपमा बहस गर्न समय दिए । बाँकी सदस्यहरूलाई बहस नोट पठाउन निर्देशन दिए ।