भारतसँगको दोस्रो एकदिवसीयमा दक्षिण अफ्रिका ८ विकेटले विजयी

काठमाण्डौ – भारतसँगको दोस्रो एकदिवसीय क्रिकेटमा घरेलु टोली दक्षिण अफ्रिका विजयी भएको छ । गएराति भएको खेलमा भारत दक्षिण अफ्रिकासँग ८ विकेटले पराजित भयो । यो सँगै तीन खेलको एक दिवसीय शृङ्खला एक/एकको बराबरी भएको छ ।

जितका लागि दुई सय १२ रनको लक्ष्य पछ्याएको दक्षिण अफ्रिका ४२ ओभर ३ बलमा दुई विकेट गुमाउँदै विजयी भयो । उसका टोनी डी जोर्जीले अविजित एक सय १९ रनको शतकीय पारी खेले । रिजा हेन्ड्रिक्सले ५२ रन बनाए । रास्सी भान डर डुसेन ३६ रनमा आउट भए ।