सिटी एक्सप्रेस मनि ट्रान्सफर र भक्तराज आचार्य सङ्गीत प्रतिष्ठानको संयुक्त आयोजनामा “भक्तराज आचार्य राष्ट्रिय सङ्गीत सम्मान २०८२” सम्पन्न

काठमाडौँ। सिटी एक्सप्रेस मनि ट्रान्सफर र भक्तराज आचार्य सङ्गीत प्रतिष्ठानको संयुक्त सहकार्यमा यही २०८३ जेठ २४ गते कुपण्डोलस्थित होटेल हिमालयमा “भक्तराज आचार्य राष्ट्रिय सङ्गीत सम्मान २०८२” प्रदान गरिएको छ।

सो सम्मान गायनतर्फ वरिष्ठ गायिका मीरा राणा र सङ्गीततर्फ वरिष्ठ सङ्गीतकार सि.के. रसाईलीलाई जनही नगद पुरस्कार रु. १,००,००१ सहित प्रदान गरिएको छ। नगद एक लाख रुपैयाँ पुरस्कार प्राप्त गरेकी गायिका राणाले आफू क्यान्सर सर्भाइभर भएको भन्दै उक्त पुरस्कार रकम क्यान्सर समाजलाई हस्तान्तरण गरेकी छन्। उनकै पहलमा क्यान्सर रोग लागेका कलाकारलाई सहयोग गर्न हालै मात्र क्यान्सर समाज स्थापना गरिएको राणाले बताइन्।