इटालियन सिरी’एमा युभेन्ट्सको सहज जित

काठमाडौं । इटालियन सिरी’एमा युभेन्ट्सले सहज जित निकालेको छ । सोमबार राती घरेलु मैदानमा युभेन्ट्सले हेलस भेरोनाविरुद्ध २-० को सहज जित निकालेको हो ।

युभेन्ट्सलाई जिताउन मध्यपंक्तिका खेफ्रेन थुरम र टुन कुपमिनर्सले एक-एक गोल गरे । यी दुबै गोल होस्रो हाफ पछि भएका हुन् । पहिलो हाफमा पाहुना टोलीका टोमस सुस्लोभले गरेको प्रहारलाई भीएआरले मान्यता दिएन ।