दुर्गापूजामा भागदौड हुँदा कम्तीमा १९ जनाको मृत्यु

काठमाडौँ- भारतको कोलकातास्थित एउटा दुर्गापूजा मण्डपमा किचिएर कम्तीमा १९ जनाको मृत्यु भएको छ। मृतकमध्ये अधिकांश महिला र बालबालिका रहेकाे भारतीय सञ्चारमाध्यमले जनाएका छन्।

समाचारअनुसार केही महिनाअघि भारतीय जनता पार्टी (भाजपा) को नियन्त्रणमा रहेको समितिले बलपूर्वक आफ्नो नेतृत्वमा लिएको मण्डपमा यो घटना भएको हो। वर्षाले भिजेको भीड साँघुरो निकासबाट बाहिर निस्कने क्रममा भागदौड मच्चिएको थियो।