एट्लेटिको मड्रिडलाई हराउँदै लिभरपुल अन्तिम १६ मा
pahilopost.com · Thu Nov 04 00:28:29 GMT 2021
यूईएफए च्याम्पियन्स लिग अन्तर्गत गएराति सम्पन्न खेलमा समूह 'बी' को खेलमा इङ्ग्लिस क्लब लिभरपुलले स्पेनिस क्लब एट्लेटिको मड्रिडमाथि जित निकालेको छ। एनफिल्डमा सम्पन्न खेलमा घरेलु टोली लिभरपुलले एट्लेटिको मड्रिडमाथि २-० गोलअन्तरले जित निकालेको हो।
खेलको १३ औं मिनेटमा अलेक्जेन्डर आर्नोल्डको पासमा डिएगो जोटाले गोल गर्दै लिभरपुललाई अग्रता दिलाएका थिए। फेरि, २१ औं मिनेटमा आर्नोल्डकै पासमा साडियो मानेले गोल गर्दै अग्रता दोब्बर बनाए। उता एट्लेटिकोका फिलिपेले लिभरपुलका खेलाडीलाई फउल गरेपछि रेड कार्ड ब्यहोरेका थिए। दोस्रो हाफमा दुबै टिमले गोल नगर्दा खेल लिभरपुलले २-० ले आफ्नो पक्षमा पार्यो।
स्रोतमा पूरा पढ्नुहोस् (pahilopost.com)