पदीय जिम्मेवारी सकिए पनि सुविधा फिर्ता गर्न सातै प्रदेशका पदाधिकारीको आलटाल

सात वटै प्रदेशसभाको कार्यकाल असोज २ गते नै सकिएको छ । तर प्रदेशका सभामुख, उपसभामुखसहित धेरैजसो दलका संसदीय दलका नेता, उपनेता, प्रमुख सचेतक, सचेतक र समितिका सभापतिले प्रदेशसभाबाट पाएको सुविधा फिर्ता गरेका छैनन् । यसले नेताहरुको सुविधाभोगी प्रवृत्ति छताछुल्ल भएको छ ।

सुदूरपश्चिम प्रदेशसभाबाट ११ जनाले सवारी साधनको सुविधा लिएका छन् । प्रदेशसभाको म्याद सकिादा समेत एमालेका सचेतक लिलाधर भट्ट र नेकपा समाजवादीका दुर्गा कामीबाहेक अरुले सवारी साधन र ल्यापटप फिर्ता गरेका छैनन् । यस्तै प्रदेश एकमा सभामुख प्रदीप भण्डारी, उपसभामुख सरस्वती पोखरेलले सवारी साधन फिर्ता गरेका छैनन् ।