रेमिट्यान्समा नयाँ रेकर्ड , वैशाखमा भित्रियो साढे २ खर्ब

चालू आर्थिक वर्ष २०८२/८३ को पहिलो १० महिनामै नेपालमा रेमिट्यान्स (विप्रेषण आप्रवाह) १९ खर्ब रुपैयाँ नाघेको छ। नेपाल राष्ट्र बैंकले सार्वजनिक गरेको वैशाख मसान्तसम्मको तथ्यांकअनुसार रेमिट्यान्स आप्रवाह ४१.२ प्रतिशतले वृद्धि भई १९ खर्ब १६ अर्ब ९० करोड रुपैयाँ पुगेको हो।

केन्द्रीय बैंकका अनुसार वैशाख महिनामा मात्र २ खर्ब ५७ अर्ब ४९ करोड रुपैयाँ रेमिट्यान्स भित्रिएको छ । जुन एकै महिनामा प्राप्त भएको हालसम्मकै उच्च रकम हो। गत आर्थिक वर्षको सोही अवधिमा अर्थात् वैशाख महिनामा १ खर्ब ६५ अर्ब ३० करोड रुपैयाँ रेमिट्यान्स प्राप्त भएको थियो।